نكت جامدة آخر حاجة ، شوف وقولى رأيك؟

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى
لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين
عود كسرهم بسهوله قال لهم طالما معاكم البغل ده مافيش خوف عليكم

Cool

مرة حماة أرادت اختباره اجواز بناتها فاخذت الأول وعملت نفسها اتزحلقت في
البحر فنزل وراها وانقذها، تانى يوم وجد عربية بيجو ومكتوب عليها "هدية من
حماتك" وفعلت نفس الشئ مع الثانى فاحضر لها الاسعاف ووجد فى تانى يوم
عربية بيجو ونفس الرسالة، أما الثالث فسبها تغرق، ففى اليوم التالى وجد
عربية مرسيدس ومكتوب عليها "هدية من حماك

Cool

مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي

Cool

رقد الرجل على فراشة يغالب الغيبوبةوكلما افاق وجد زوجتة بجوارة وتنظر
الية بحنان فامسك بيدها قائلا: لما اترفدت وقفتى معايا، ولما شركتى فلست
كنتى جنبى، ولما بيتنا اتحرق كنتى جنبى ، ودلوقتى انتى برضة جنبى ، مش
عارف لية انا حاسس انك نحس

Cool

مرة واحد ماشى مع خطيبته واخر انسجام فقالها "عارفة اية هو الحب واية
الجواز؟" قالته "لا" قالها: "الحب زى النجوم الجميلة اللى فى السماء"
قالتله"طب والجواز؟" قالها:"دى البلاعة اللى واحنا بنبص على النجوم بنقع
فيها.."

Cool

واحد متجوز وقاعد في البيت وبيبص كتير في عقد الزواج، مراته قالت له:
"بتبص في عقد الزواج ليه يا حبيبي؟" قالها: "مش عارف يا حياتي المأذون كتب
تاريخ انتهاء العقد فين"

Cool

واحد نشر في إعلانات مبوبة :مطلوب زوجة!!!
تاني يوم جاله 100 جواب فيهم نفس الرد: تاخد بتاعتي؟؟

Cool

واحد قاعد في أمان الله بيقرا الجرنان، وفجأة جت مراته وضربته بغطا الحلة
فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟"
الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا
بنت الحلال، ده أسم الحصان اللى بنشجعه في السباق!" الزوجه صدقته وراحت
لحالها... بعد اسبوع، الزوج قاعد في أمان الله يقرا الجرنان، وفجأة جت
مراته وضربته بغطا الحلة على راسه !! الزوج: "خير يابنت الحلال في ايه
تاني؟؟" الزوجه:"حصانك على التليفون ..!!"

Cool

نساء العالم اتحدن وقررن ان لا يقومو باى اعمال فى المنزل وبعد اسبوع
تجمعو ليعرفوا النتائج الا ضراب فقالت الزوجة الفرنسية "انا قلت لجوزى
ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش
حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى
اوى يا حبيبتى".وقالت الزوجة الانجليزية "انا قلت لجوزى انا مش هعمل حاجة
خالص فى البيت الاسبوع دة اول يوم مشوفتش حاجة تانى يوم بدا يعمل الاكل
تالت يوم عشانى وغدانى برة." جت المصرية وقالت "انا قلت لابو العيال انا
مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم
ماشوفتش حاجة تالت يوم بدات اشوف شوية بعينى الشمال."

Cool

مرة دكتور دخل عنبر فى سراية المجانين لقى واحد بيضرب نفسة بالشبشب سأل
الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى
بعده لقى واحد بيخبط دماغة فى الحيطة قالها وده ماله قالتله اصل ده الى
اتجوزها

Cool

مرة واحد نازل من بيتة عمال بيصرخ ويزعق وبيقول ألحقوني يا عالم ألحقوني
يا ناس حماتي هترمي نفسها من الشباك ألحقوني بالأسعاف ألحقوني يا عالم ففي
واحد صحبة سمعة وهو جاي من على أول الشارع فقلة أية في ايه أنتا بتزعق ليه
قام صحبنا قاله حماتي هترمي نفسها من الشباك قام رادد عليه صاحبه وقاله
وأنتا ايه أللي مزعلك قام قاله الشباك مش عايز يفتح

Cool

مره واحده رايحه تشتكي لأمها: يا ماما يا ماما الحقيني..؟ الام: مالك في
ايه؟؟! فقالت: كل ما اعمل الاكل لجوزي ياخده ويرميه للكلب!!! الام: يا
حرام والكلب ذنبه ايه بس؟؟!!!

lol!